مقادير وطريقة عمل حلو البسبوسة التركية بالكريمة

 -  126 مشاهدة


مقادير البسبوسه التركية: بالاكواب القياسية

- كوب وربع طحين + ملعقه وربع صغيرة باكنغ باودر
- ملعقه كبيرة بودرة كسترد
- كوب سميد خشن
- نص كوب لبن زبادي روب
- نص كوب زيت
- نص كوب سكر
- 4 حبات بيض + ملعقه صغيرة فانيلا سايله او ربع م.ص فانيلا بودرة
- شيرة حلويات

مقادير الكريمة:

- كوب كريمه سائله
- 2 ملعقه كبيرة قيمر قشطه
- كيس دريم ويب
- ربع كوب سكر بودرة

طريقة البسبوسة:

- بالخلاط الكهربائي نخفق البيض والفانيلا والسكر
- نضيف الزيت ونخفق
- نضيف اللبن ونخفق
- نضيف السميد ونخفق
- نضيف الطحين مع الباكنغ باودر والكسترد وبالملعقه نخلط وبعدين نكمل شوي بالمكينه

- نصب الخليط بصينية اللي تعجبكم بعد دهنها بالزيت او زبده او بخاخ ونساوي السطح بالملعقه ونطرقها على السطح لخروج الهوا منها

- ندخلها الفرن حرارة 180 لمده حوالي 30 دقيقه من تحت فقط. . ثم نشعل فوق ونحمرها من فوق حوالي خمس دقايق

- نشربها بالشيرة ونخليها تبرد برة بعدين ندخلها الثلاجه نص ساعه على ما نجهز الكريمه

طريقة الكريمة:

نخلط جميع المقادير لغاية ماتصير كريمه كثيفه ونغطي فيها وجه البسبوسه وبالعافيه


مقادير وطريقة عمل حلو البسبوسة التركية بالكريمة

مصدر الوصفة والصورة: alkalha_treats


مقادير وطريقة عمل حلو البسبوسة التركية بالكريمة