حلو بلح الشام هو من الحلويات المعروفه والاكثر شعبية وخصوصا في رمضان. . لها عدة تطبيقات وكلها صحيحة.
المقادير:
- كوب ماء
- كوب طحين
- 2 ملعقه كبيرة زبده
- 2 حبة بيض
- فانيلا سائله وقطرات من الخل الأبيض
- فستق للتزيين
- شيرة. . أو عسل
طريقة عمل حلو بلح الشام:
- الفيديو واضح الصراحه. . لكن عموما. . نبدأ بتسخين الماء والزبده (تسخين فقط)
- بعدين نضيف الطحين ونطفيء النار
- نحرك بالملعقه للحصول على عجينه متماسكه وطريه
- نخليها تبرد وتاخذ حرارة الغرفه. . بعدين ممكن نكمل باليد. . بس انا حبيت اسويها بالمكينه
- نضيف بيضه ونحرك جيدا
- ثم نضيف البيضه الثانية مع الفانيلا والخل ونخلط جيدا
- صار عندنا عجينه لزجه ومتماسكه. . نعبيها داخل اكياس التزيين ونركب القمع اللي تحبونه
- انا ركبت القمع التقليدي المزركش
- عالنار حميت الزيت شوي مو وايد. . ولما بدأت أصب العجينه قصرت النار عالاخر
- اصب كمية كبيرة واخليهم بدون تحريك. . بس يبدؤوا يعوم على وجه الزيت احركهم من حين لآخر
- اطلعهم على مصفاه تصفي بواقي الزيت. . وبعدين شربتهم بالشيرة او العسل على كيفكم
- اذا نقعتهم بالشيرة راح تصير طرية اكثر. . في ناس تحبها جذي. . بس انا افضل اني اقلبهم بالشيرة واشيلهم علطول. . وبألف عافيه
مصدر الوصفة والصورة: alkalha_treats
