مكونات مكرونة سلمون الكريمي:
كيس مكرونة ديليسيا مصرية - سلمون - ملح وفلفل اسود - زيت زيتون – زبدة
بصل - توم - نشا الدرة – كريمة - جبنة بارميزان - دريسنج إيطالي - قطع ليمون (للتزيين) - بقدونس (للتزيين)
طريقة التحضير:
اغلي المية بالملح في حلة كبيرة على نار متوسطة وضيفي ليها المكرونة لحد ما تتسلق
صفيها كويس وضيفي ليها شوية زيت زيتون
تبِّلي السلمون بالملح والفلفل الأسود وسيبيه لمدة 15 دقيقة
شيلي جلد السلمون وقطعيه مكعبات
شوحيه في شوية زبدة لحد ما يستوي تمامًا
ضيفي البصل والتوم لنفس القلاية وقلبيهم لمدة دقيقة، ضيفي ليهم شوية نشا وقلبي لمدة دقيقة كمان
ضيفي كريمة الطبخ وجبنة البارميزان وقلبي الصوص كويس على نار متوسطة لحد ما يتقل ويوصل للدرجة اللي انتي عايزاها
ضيفي المكرونة وقلبي الخليط مع بعضه
رشي عليه جبنة بارميزان وبقدونس وقطع الليمون وقدميهم لحبايبك وبالهنا والشفا
المصدر: Delicia Masreya Pasta